Ky informacion mund t`ju ndihmojë ju të kuptoni më shumë rreth rinitit alergjik dhe se cfarë mund të bëni ju për të zvogëluar rrezikun tuaj për këtë gjendje.

Ndajeni informacionin me të gjithë njerëzit e tjerë që njihni.

Riniti alergjik – cfarë është

Riniti alergjik, shkakton shenja dhe simptoma të ngjashme me të ftohurën, të tilla si rrjedhje hundësh, kruarje të syve, zënie hundësh, teshtitja dhe presioni i sinusit. Por ndryshe nga një e ftohur, riniti alergjik nuk shkaktohet nga viruset, por nga një reagim alergjik ndaj alergeneve në natyrë ose në shtëpi, si p.sh. polenet, marimangat e pluhurit, apo pjesëzat e vogla të lëkurës dhe pështymës të cliruara nga macet, qentë dhe kafshë të tjera me lesh ose pupla.

Përveç se komplikon jetën e pacientëve, riniti alergjik mund të ndikojë në performancën në punë ose në shkollë dhe përgjithësisht të ndërhyjë në jetën e tyre.

Por ju nuk keni pse i nënshtroheni simptomave të bezdisshme. Ju mund të mësoni për të shmangur shkaktarët dhe për të gjetur trajtimin e duhur.

Kush preket nga riniti alergjik?

Sëmundjet alergjike, si riniti alergjik, përfaqësojnë një problem shëndetësor global, duke prekur 10%-25% të popullsisë botërore.

Simptomat dhe shenjat e rinitit alergjik

Shenjat dhe simptomat e rinitit alergjik mund të përfshijnë:

• Rrjedhje dhe zënie hundësh
• Sy të kuq, që lotojnë dhe që të kryhen (konjuktivit alergjik)
• Teshtimat
• Kolla
• Kruarje e kubesë së gojës ose fytit
• Fryrje dhe ngjyrosje në blu të qeseve të lëkurës poshtë syve
• Pikimi i hundës
• Lodhje

Shenjat dhe simptomat e rinitit alergjik mund të fillojnë ose të përkeqësohen në momente të caktuara të vitit. Faktorët nxitës përfshijnë:

• Poleni i pemëve, që një gjë e zakonshme në fillim të pranverës
• Poleni nga bimët e tjera, bari, që është i zakonshëm në fund të pranverës dhe verës.
• Poleni Ragweed, i cili është i zakonshëm në vjeshtë.
• Merimangat e pluhurit, buburrecat dhe pjesëzat alergjike nga kafshët mund të jenë të bezdisshme gjatë gjithë vitit. Simptomat e shkaktuara nga kafshët mund të përkeqësohen gjatë dimrit, kur shtëpitë mbyllen.
• Sporet nga kërpudhat e mjediseve të brendshme dhe të jashtme dhe myku janë konsiderohen si nxitës sezonalë dhe gjatë të gjithë vitit.

Shkaqet e rinitit alergjik

Kur ke rinit alergjik, sistemi imunitar identifikon një substancë të padëmshme ajrore si të dëmshme. Sistemi imunitar pastaj prodhon antitrupa për këtë substancë të padëmshme. Herën tjetër kur vini në kontakt me substancën, këto antitrupa sinjalizojnë sistemin tuaj imunologjik për clirimin e kimikateve të tilla si histamina në qarkullimin e gjakut, të cilat shkaktojnë një reaksion që çon në shenjat dhe simptomat e rinitit alergjik.

Faktorët e rrezikut të rinitit alergjik

Faktorët e mëposhtëm mund të rrisni rrezikun e zhvillimit të rinitit alergjik:

• Prania e alergjive të të tjera ose astmës
• Dermatiti atopik (ekzemë)
• Të kesh një të afërm (si një prind ose vëlla) me alergji ose astmë
• Të jetosh ose të punosh në një mjedis që vazhdimisht ju ekspozon ndaj alergeneve - të tilla si alergjenët e kafshëve ose marimangat e pluhurit
• Të kesh një nënë që ka pirë duhan gjatë vitit të parë të jetës suaj

Komplikimet e rinitit alergjik

Problemet që mund të shoqërohen me rinitin alergjik përfshijnë:

• Reduktimi i cilësisë së jetës
• Gjumë i keq
• Përkeqësohet astma.
• Sinusiti
• Infeksione të veshit. Në fëmijët, riniti alergjik shpesh është një faktor në infeksionin e veshit të mesëm (otitis media).

Parandalimi i rinitit alergjik

Nuk ka asnjë mënyrë për të shmangur rinitin alergjik. Nëse keni rinit alergjik, gjëja më e mirë për të bërë është zvogëlimi i ekspozimit ndaj alergjeneve që shkaktojnë simptomat tuaja. Merreni medikamente alergjike para se të jeni të ekspozuar ndaj alergeneve, sipas udhëzimeve të mjekut tuaj.

Ekzaminimet për diagnozën e rinitit alergjik

Mjeku do të bëjë një ekzaminim të përgjithshëm, do të marrë historinë mjekësore të pacientit dhe mund të rekomandojë këto teste:

• Testi i lëkurës për alergji
• Testi i gjakut për alergjinë

Trajtimi i rinitit alergjik

Duhet të kufizoni ekspozimin tuaj ndaj substancave që shkaktojnë rinitin alergjik sa më shumë që të jetë e mundur. Nëse riniti alergjik nuk është i rëndë, medikamentet pa recetë mjeku mund të jenë të mjaftueshme për të lehtësuar simptomat. Për simptoma më të rënda, mund të keni nevojë për ilaçe me recetë.

Shumë njerëz lehtësohen më mirë nga një kombinim i barnave anti alergjike. Ju mund të keni nevojë të provoni disa prej tyre para se të gjeni se çfarë funksionon më mirë për ju.

Nëse fëmija juaj ka rinit alergjik, bisedoni me mjekun tuaj rreth trajtimit. Jo të gjitha medikamentet janë miratuar për përdorim në fëmijët. Lexoni me kujdes etiketat.

Medikamentet për rinitin alergjik përfshijnë:

• Kortikosteroidet e hundës
• Antihistaminikët
• Dekongjestionuesit, në formë spraji dhe për përdorim nga goja
• Natriumi i kromolinit (shih materialin e plotë për mënyrën e përdorimit)
• Modifikuesi i leukotrinës
• Ipratropiumi i hundës
• Kortikosteroidet orale

Trajtime të tjera për rinitin alergjik përfshijnë:

• Injeksionet anti-alergjike (imunoterapia) [shih materialin e plotë për mënyrën e përdorimit]
• Tablet anti-alergjike nën gjuhë
• Shpëlarja e sinuseve

Stili i jetesës dhe masat në kushtet e shtëpisë

Nuk është e mundur të shmangni plotësisht alergjenet, por mund t'i zvogëloni simptomat tuaja duke kufizuar ekspozimin tuaj ndaj tyre. Nëse e dini se ndaj çfarë jeni alergjik, mund t'i shmangni nxitësit e alergjisë suaj.

Masat janë të shumëllojshme dhe përfshijnë ndërhyrje për të zvogëluar ekspozimin ndaj alergjenëve në shtëpi dhe ambjente të tjera.

Pyesni mjekun tuaj për ekzaminimet për rinitin alergjik që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini.

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)