Ky informacioni mund t`ju ndihmojë ju të kuptoni më shumë rreth dhimbjes së gjoksit (ose sic njihet me termin mjekësor, angina) dhe se cfarë mund të bëni ju për të zvogëluar rrezikun tuaj për këtë gjendje

Ndajeni informacionin me të gjithë njerëzit e tjerë që njihni

Dhimbja e gjoksit – cfarë është

• Dhimbja e gjoksit (angina pectoris) përfshin cdo dhimbje ose ndjenjë diskomforti që ndjehet se buron nga ose rreth gjoksit
• Dhimbja e gjoksit është ankesa më e shpeshtë e pacientëve me sëmundje të zemrës

Kërkoni ndihmë

• Dhimbja e gjoksit tregon një problem serioz prandaj duhet kërkuar kujdes mjekësor urgjent!

Simptomat dhe shenjat e dhimbjes së gjoksit 

Shenjat dhe simptomat e dhimbjes së gjoksit që kanë shkak problemet e zemrës mund të përfshijnë:

• Ndjenja e presionit, plotësisë, djegies ose ngushtësisë në gjoks
• Dhimbje shtypëse ose e djegëse që rrezaton në shpinë, qafë, nofull, shpatulla dhe një ose të dy krahët
• Dhimbja që zgjat më shumë se disa minuta, bëhet më keq me aktivitetin, largohet dhe kthehet, ose ndryshon në intensitet
• Shkurtimi i frymëmarrjes
• Djersë të ftohta
• Marramendje ose dobësi
• Të përziera ose të vjella

Shenjat dhe simptomat e dhimbjes së gjoksit që kanë shkaqe të tjera zakonisht shoqërohen me: 

• Shije thartire në gojë ose ndjesia e kthimit të ushqimeve mbrapsht në gojë
• Probleme me gëlltitjen
• Dhimbje që përmirësohet ose përkeqësohet kur ndërrojmë pozicion
• Dhimbje që intensifikohet kur marrim frymë thellë ose kollitemi
• Dhimbje kur shtypet kraharori lehtë
• Dhimbje që vazhdon për orë të tëra

Nga ana tjetër, simptoma klasike e urthit mund të shkaktohet nga problemet e zemrës ose stomakut

Shkaqet e anginës

Shkaqet e dhimbjes së gjoksit të lidhura me zemrën përfshijnë:

• Atakun kardiak
• Isheminë kardikae
• Disekasionin (carja) e aortës
• Perikarditin

Por dhimbja e gjoksit mund të shfaqet edhe për shkak të disa gjendjeve të mushkërive (pleuriti, embolizmi pulmonar, etj.); të sistemit tretës (urthi, gurët në tëmth, etj.); disa gjendje që prekin muskujt dhe kockat, etj.

Ekzaminimet për dhimbjen e gjoksit

Pranë shtratit të të sëmurit mund të kryhet: 

• Saturimi i oksigjenit
• EKG
• Gazi i gjakut arterial 
• Glukoza kapilare

Testet e gjakut përfshijnë: 

• Troponinën
• Formulën e plotë të gjakut
• Testet e funksionit renal 
• Lipidet
• D-dimer amilazën
• Proteinën  C reaktive 
• Eritrosedimentin.

Ekzaminimet imazhierike përfshijnë: 

• radiografinë e gjoksit
• ekokardiografinë 
• CT të gjoksit 
• angiografinë CT kardiake

Testet speciale përfshijnë: 

• EKG e efortit 
• skanimin e perfuzionit miokardial 
• endoskopinë gastrointestinale të sipërme 
• angiografinë kardiake

Trajtimi i dhimbjes së gjoksit

Trajtimi varion në varësi të shkakut

Medikamentet për trajtimin e dhimbjes së gjoksit përfshijnë:

• Relaksuesit e arterieve – nitroglicerina dhe disa preparate që ulin tensionin e gjakut
• Aspirina
• Preparate trombolitike – këta agjentë shkrijnë trombet ose koagulat që bllokojnë rrjedhën e gjakut në zemër
• Holluesit e gjakut
• Preparate që frenojnë prodhimin e acidit të stomakut ose e neutralizojnë atë 
• Preparate antidepresive (në rast se dhimbja e gjoksit shkaktohet nga ataket e panikut)

Kirurgjia dhe procedurat e tjera përfshijnë:

• Angioplastikën dhe vendosjen e stenteve – në rast të ngushtimit apo bllokimit të arterieve koronore, këto procedura sigurojnë zgjerimin e tyre
• Kirurgjia e bypass-it – në këtë rast arteria e bllokuar anashkalohet dhe rrjedha e gjakut orientohet në arterie të reja që krijohen nga mjeku
• RIparimi i carjes së arteries
• Ri-fryrja e mushkërive – në rast të kolapsit pulmonar, mjeku fut një tub në kraharor për të fryrë/ri-hapur mushkëritë 
   

Parandalimi i dhimbjes së gjoksit

Dhimbja e gjoksit mund të parandalohet nëse shmangen ose minimizohen faktorët e rrezikut apo shkaktarët e saj:

• Ndaloni duhanpirjen dhe përdorimin e alkoolit
• Në rast se keni diabet ose hipertension, duhet të mbani nën kontroll këto gjendje, pasi kjo parandalon dhimbjen e gjoksit që shkaktohet nga to
• Bëni aktivitet fizik, brenda mundësive tuaja, të tillë si ecje cdo ditë për të paktën 30 minuta
• Përdorni një dietë të balancuar dhe të me ushqime të shumëllojshme
• Shmangni përdorimin e yndyrnave të ngopura (mishin e kuq të qingjit ose vicit, ushqimet e fërguara, prodhimet e pasticerive si amaretat, kekun, etj.)
• Konsumoni ushqime të pasura me omega-3 të tilla si frutat e thata dhe peshqit si salmoni, sardelet, toni (në cdo formë – të freskëta, të ngrira, të konservuara)
• Reduktoni konsumin e kripës, dhe zëvendësojeni me erëza të ndryshme gjatë gatimit
• Shmangni mishrat e ftohtë dhe turshitë
• Përdorni ose rrisni konsumin e bishtajoreve, frutave dhe perime në dietën tuaj

Pyesni mjekun tuaj për ekzaminimet për dhimbjen e gjoksit që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini.

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)