Për të mbajtur sytë tuaj të shëndetshëm, sigurohuni që t'i ndiqni këto këshilla për kujdesin e syve nga optometristët Kanadezë.

1. Sytë tuaj nuk janë vetëm dritare të shpirtit tuaj

• Ata gjithashtu mund të tregojnë shenja për shëndetin tuaj. Mjekët e syrit shpesh janë të parët që vërejnë sëmundje të rënda - duke përfshirë tumoret e trurit, hipertensionin dhe diabetin - duke shqyrtuar gjendjen e enëve të gjakut në retinën tuaj

2. Të gjithë të rriturit kanë nevojë për ekzaminim të syve çdo dy vjet

• Ose një ekzaminim në vit nëse janë mbi 60 vjeç. Një studim i vitit 2018 nga Shoqata Kanadeze e Optometristëve zbuloi se dy nga tre të moshuarit kishin një gjendje syri të tillë si katarakt, glaukomë ose degjenerim makular

3. Jini vigjilentë për "Hajdutin e heshtur"

• Glaukoma, shkaku kryesor i verbërisë së pakthyeshme, quhet një hajdut i heshtur për një arsye të mirë. "Në fazat e hershme, është asimptomatike," thonë ekspertët e syve
• E vetmja mënyrë për ta kapur atë para se të kenë ndodhur dëmtime të konsiderueshme është nëpërmjet ekzaminimeve të rregullta të syrit

4. Kontrollojini sytë tuaj sic duhet

• Një test i shikimit në një dyqan që shet syze nuk është i njëjtë me një ekzaminim të syrit nga  një optometër
• Përdorimi i pajisjeve të automatizuara nuk ofron një pamje të plotë të shëndetit të syve tuaj, duke përfshirë koordinimin e muskujve, shtrirjen ose parregullsitë e lenteve

5. Në momentin që ekzaminoni shikimin tuaj, qetësohuni dhe pulitini sytë shpesh

• Nëse nuk e bëni, shtresa e lëmuar e lotëve në sipërfaqen e syrit tuaj fillon të prishet, duke e bërë më të vështirë për ju të kuptoni se cila lente është më e qartë

6. Kujdes me blerjet online

• Po mendoni të blini syze online? Thjesht paraqitja e recetës tuaj nuk është një garanci se specifikimet do t’i përshtaten nevojave të shikimit tuaj dhe stilit tuaj të jetesës
• Një recetë që nuk është saktësisht sic duhet mund të çojë në dhimbje koke, të përziera dhe lodhje

7. Përdoruesit e lenteve të kontaktit: Kontrollohuni

• Ekzaminimet e rregullta të syrit janë veçanërisht të rëndësishme nëse mbani lente kontakte.
• Për shkak se ju manipuloni lentet tuaja me duart tuaja, ju jeni në një rrezik të rritur të infeksionit, thonë ekspertët

8. Hiqini lentet e kontaktit kur flini

• Edhe vetëm për një sy gjumë. "Mbyllja e syve shton një shtresë tjetër që bllokon oksigjenin tek kornea dhe mikrobet e duan çdo mjedis që është i errët dhe me lagështi", thonë ekspertët
• Nëse kaloni gjithë natën me lentet e kontaktit në sytë tuaj, rreziku juaj për ulçerë të korneas është 10 deri 15 herë më i madh

9. Asnjëherë mos i shpëlani lentet e kontaktit me ujin e rubinetit

• Acanthamoeba, një organizëm i rrallë por i keq, që mund të shkatërrojë shikimin, mund të jetojë në rrjetin e furnizimin me ujë

10. Lodhja dixhitale e syrit është në rritje

• Dhe shumica e syzeve  bifokale dhe syzeve të leximit nuk janë janë të dizajnuara për përdorim kompjuteri.
• Merrni syze me recetë që janë dizajnuar posaçërisht për punën tuaj, thonë ekspertët

11. Mësoni të luftoni lodhjen e shkaktuar nga ekrani

• Uluni sa më larg që të jetë e mundur, hiqni cdo burim drite të jashtme dhe bëni pushime të shpeshta: disa optometristë rekomandojnë largimin e shikimit në një pikë të largët të paktën çdo 20 minuta
• Të shikuarit në një ekran është sikur mbani një peshë mbi kokën tuaj, thonë ekspertët. "Sa herë që shikoni larg, muskujt e syve relaksohen"

12. Kini kujdes me produktet kozmetike

• Shtesat e qerpikëve janë të modës, por zamka e fortë që i mban ato mund të shkaktojë reaksione alergjike ose djegie kimike
• Rezervoni këto qerpikë të hatashëm për raste të veçanta dhe sigurohuni që të shkoni tek një estetist i licencuar i cili përdor pajisje sterile

13. Merrni seriozisht dëmtimin nga rrezet ultravjollcë UV

• Mos rezervoni ditët tuaja të bukura për ditë të ndritshme
• Dëmtimi nga rrezet UV në sytë tuaj është kumulativ gjatë gjithë jetës tuaj, thonë ekspertët
• Sigurohuni që etiketa në syzet tuaja të thotë se bllokojnë 100% të rrezet UVA dhe UVB
• Ekspozimi i tepërt ndaj dritës UV lidhet me kataraktet, degjenerimin makular, kancer të qepallës dhe djegie të korneas nga dielli