Ky informacioni mund t`ju ndihmojë ju të kuptoni më shumë rreth refluksit gastroezofageal dhe se cfarë mund të bëni ju për të zvogëluar rrezikun tuaj për këtë gjendje.

Ndajeni informacionin me të gjithë njerëzit e tjerë që njihni.

Refluksi gastroezofageal – cfarë është

• Sëmundja e refluksit gastroezofageal (GERD) [ose sic njihet ndryshe “urthi”] është një gjendje e zakonshme në të cilën përmbajtja gastrike ngjitet lart në ezofag
• Ky refluks acid mund të dëmtojë veshjen e brendshme të ezofagut. Refluksi kthehet në sëmundje kur shkakton simptoma të shpeshta ose të rënda ose lëndime. Refluksi mund të dëmtojë ezofagun, faringun ose traktin respirator

Sa i shpeshtë është refluksi gastroezofageal?

• Shumë njerëz përjetojnë refluks acid herë pas here. GERD mund të jetë refluks acid i lehtë që ndodh të paktën 2 herë në javë, ose refluks acid i moderuar/rëndë të paktën një herë në javë.
• Rreth 20-40% e adultwve nw vendet Perwndimore pwrjetojnw urth kronik ose simptoma tw regurgimit.

Simptomat dhe shenjat e refluksit gastroezofageal

• Simptoma kryesore e GERD është urthi, shpesh e përshkruar si një ndjenjë e zjarrtë në gjoks, dhe regurgitimi (kthimi mbrapsht) i lëngjëve të tharta ose të hidhura në fyt ose në gojë. Kombinimi i urthit dhe rigurgitimit është një karakteristikë kaq e zakonshme e GERD sa testimi formal mund të jetë i panevojshëm

Simptoma të tjera të GERD përfshijnë:

• Dhimbje gjoksi jo-djegëse, e cila zakonisht lokalizohet në mes të gjoksit dhe rrezatohet në shpinë
• Vështirësia e gëlltitjes (disfagia)
• Simptomat e atipike të refluksit që lidhen me fytin, laringun ose mushkëritë:
• Dhimbje të fytit
• Kollitje
• Rritja e prodhimit të pështymës
• Dispne
• Në rast të refluksit të acidit gjatë natës njerëzit mund të përjetojnë:
• Kollë kronike
• Laringit
• Astma e re (rishtas) ose përkeqësim i saj
• Ndërprerje e gjumit

Shkaqet e refluksit gastroezofageal

GERD shkaktohet nga refluksi i shpeshtë i acidit të stomakut, si pasojë e dobësimit ose relaksimit anormal të sfinterit të poshtëm të ezofagut

Faktorët e rrezikut

• Obeziteti
• Dalja e pjesës së sipërme të stomakut në diafragmë (hernia hiatale)
• Shtatzënia
• Zbrazja e vonuar e stomakut

Faktorë në vijim përkeqësojnë refluksin e acidit në ezofag:

• Duhanpirja
• Ngrënia e vakteve të mëdha ose ngrënia natën vonë
• Ngrënia e ushqimeve të caktuara (nxitës) të tilla si ushqimi i yndyrshëm ose i skuqur
• Pirja e pijeve të caktuara, të tilla si alkooli ose kafeja
• Marrja e barnave të caktuara, siç është aspirina

Komplikacionet e refluksit gastroezofageal

Refluksi i acidit në ezofag për një kohë të gjatë mund të shkaktojë:

• Ngushtimi i ezofagut (striktura e ezofagut)
• Një dëmtim i hapur në ezofag (ulçerë ezofageale)
• Ndryshime para-kanceroze në ezofag (ezofagu Barrett).

Ekzaminimet per diagnozen e refluksit gastroezofageal

• Ekzaminimi i plotë fizik
• Endoskopia e ezofagut
• Prova ambulatore e sondës së acidit (pH)
• Manometria e ezofagut
• Radiografi me rreze X të sistemit të sipër digjestiv

Trajtimi i refluksit gastroezofageal

• Modifikime të stilit të jetesës (shih më poshtë)
• Medikamente që neutralizojnë acidin e stomakut (antiacidet)
• Medikamente që zvogëlojnë prodhimin e acidit të stomakut (bllokuesit e receptorëve H-2)
• Medikamente që bllokojnë prodhimin e acidit dhe shërojnë ezofagun (frenuesit e pompës së protoneve)
• Medikamente për të forcuar sfinkterin e poshtëm të ezofagut
• Kirurgji, nëse GERD nuk dominohet me ndryshimin e stilit të jetesës dhe medikamentet. Mund të ofrohen procedurat e fundoplikimit, ose pajisjet LINX.

Figura. Kirurgjia për GERD (fundoplikimi)

Figura. Zëvendësimi i sfinkterit ezofageal

Parandalimi i urthit

Mund të merrni disa masa të thjeshta për të parandaluar shpeshtësinë e refluksit të acidit, si vijon:

• Ruaj një peshë të shëndetshme trupore
• Ndaloni duhanin
• Ngrini kokën e shtratit tuaj
• Mos u shtrini pas një vakti - prisni të paktën tre orë pas ngrënies para se të shtriheni ose të shkoni në shtrat.
• Hani ushqimin ngadalë dhe përtypeni tërësisht atë
• Shmangni ushqimet dhe pijet që nxisin refluksin - ushqime yndyrore ose të skuqura, salcë domate, alkool, çokollatë, nenexhik, hudhër, qepë dhe kafeinë
• Shmangni veshjet e shtrënguara.

Mjekësia alternative

Asnjë terapi e mjekësisë alternative nuk është provuar efektive për të trajtuar GERD ose të rikthejë dëmtimin e ezofagut. Disa terapi plotësuese dhe alternative mund të ofrojnë lehtësim, kur kombinohen me kujdesin e sugjeruar nga mjeku:

• Kurat bimore (kamomili për shembull)
• Terapitë relaksuese (për uljen e stresit dhe ankthit).

Pyesni mjekun tuaj për ekzaminimet për refluksin gastroezofageal që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini.

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)