Ky informacion mund t`ju ndihmojë ju të kuptoni më shumë rreth osteoartritit dhe se cfarë mund të bëni ju për të zvogëluar rrezikun tuaj për këtë gjendje.

Ndajeni informacionin me të gjithë njerëzit e tjerë që njihni.

Osteoartriti – cfarë është

• Osteoartriti është forma më e zakonshme e artritit
• Kjo është një sëmundje kronike degjenerative e artikulacioneve (nyjeve) që shkakton shkatërrimin e kërcit të artikulacionit të prekur
• Kjo mund të ndodhë në çdo nyje, por më shpesh prek duart, gjunjët, këllqet ose shtyllën kurrizore

Figura. Osteoartriti i një artikulacioni

Kush preket nga osteoartriti?

• Osteoartriti prek kryesisht të moshuarit e moshës së mesme dhe personat më të moshuar

Simptomat dhe shenjat e osteoartritit

Simptoma më e zakonshme e osteoartritit është dhimbja pas përdorimit të tepërt ose pasivitetit të një artikulacioni. Simptomat zakonisht zhvillohen ngadalë gjatë viteve. Simptomat mund të shfaqen paksa ndryshe në çdo person dhe mund të përfshijnë:

• Dhimbje e artikulacionit
• Ngurtësi e artikulacionit, sidomos pas gjumit ose pasivitetit
• Më pak lëvizje të artikulacionit me kalimin e kohës
• Një ndjenjë e rëndë kur lëvizet artikulacionit, sikur shkatërrohet kërci (në fazat më të avancuara)

Këto simptoma mund të duken si gjendje të tjera shëndetësore. Gjithmonë takoni mjekun tuaj të kujdesit shëndetësor për një diagnozë të saktë.

Shkaqet e osteoartritit

Osteoartriti mund të klasifikohet si primar ose sekondar.

• Osteoartriti primar nuk ka shkak të njohur.
• Osteoartriti sekondar shkaktohet nga një tjetër sëmundje, infeksion, lëndim ose deformim. Osteoartriti fillon me shkatërrimin e kërcit të artikulacionit, skajet e kockave mund të trashen dhe formojnë rritje të kockave. Këto formacione ndërhyjnë në lëvizjen e artikulacionit të prekur

Faktorët e rrezikut të osteoartritit

Faktorët e rrezikut të osteoartritit përfshijnë:

• Trashëgimia
• Pesha e tepërt trupore
• Gjinia femër
• Lëndimi ose përdorimi i tepruar

Ekzaminimet për diagnozën e osteoartritit

• Procesi fillon me historinë mjekësore dhe ekzaminimin fizik
• Mund të kërkohet radiografia,  një ekzaminim që përdor një sasi të vogël rrezatimi për të krijuar imazhe të kockave dhe të indeve të tjera të trupit

Trajtimi i osteoartritit

• Trajtimi do të varet nga simptomat, mosha dhe shëndeti i përgjithshëm i pacientit. Do të varet gjithashtu edhe nga sa e rëndë është sëmundja
• Qëllimi i trajtimit është të zvogëlojë dhimbjen dhe ngurtësinë e artikulacionit të prekur dhe të përmirësojë lëvizjen e tij.
• Nuk ka shërim përfundimtar për osteoartritin
• Qëllimi i trajtimit është shpesh kufizimi i dhimbjes dhe inflamacionit, dhe të ndihmojë në sigurimin e funksionit të artikulacioneve të prekura
• Planet e trajtimit shpesh përdorin metoda afatshkurtra dhe afatgjata të trajtimit.

Pyesni mjekun tuaj për ekzaminimet për osteoartritin që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini.

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)