Ky informacion mund t`ju ndihmojë ju të kuptoni më shumë rreth kataraktës dhe se cfarë mund të bëni ju për të zvogëluar rrezikun tuaj për këtë gjendje.

Ndajeni informacionin me të gjithë njerëzit e tjerë që njihni.

Katrakta – cfarë është

Katarakta është turbullimi i lentes natyrore të syrit, e cila qëndron prapa irisit dhe pupilës

Figura. Katarakta

Kush preket nga katarakta?

• Katarakta është shkaku më i zakonshëm i humbjes së shikimit tek njerëzit mbi moshën 40 vjeçare dhe është shkaku kryesor i verbërisë në botë
• Sot, katarakta prek më shumë se 22 milionë Amerikanë të moshës 40 vjeç e lart dhe më shumë se 30 milionë Amerikanë pritet të kenë katarakt deri në vitin 2020
• Katarakta është përgjegjëse për 51% të verbërisë botërore në vitin 2010, që përfaqëson rreth 20 milionë njerëz
• Megjithëse kataraktat mund të hiqen në mënyrë kirurgjikale, në shumë vende ekzistojnë barriera që pengojnë pacientët për të hyrë në kirurgji

Llojet e kataraktës

Llojet e kataraktave janë:

• Katarakta subkapsulare, e cila ndodh në pjesën e prapme të lentes
• Katarakta nukleare, që zakonisht lidhen me moshimin
• Katarakta kortikale, që karakterizohet nga opacitete të bardha, të ngjashme me pykën që fillojnë në periferi të lentes dhe përparojnë drejt qendrës në formë rrezesh
• Katarakta kongenitale, kur katarakta është e lindur

Simptomat dhe shenjat e kataraktës

Një kataraktë fillon pak nga pak dhe në fillim ka pak efekt në vizionin e njerëzve të prekur

Shenja dhe simptomat e kataraktës mund të përfshijnë:

• Shikim i mjegulluar, i turbullot ose i zbehtë
• Vështirësi për të shikuar natën
• Ndjeshmëri ndaj dritës
• Nevoja për më shumë ndricim ndërsa lexojmë apo gjatë aktiviteteve të tjera
• Shikimi i “vijave” rreth dritave
• Ndryshimi i shpeshtë i syzeve ose lenteve të kontaktit
• Zbehje ose zverdhje e ngjyrave
• Shikim i i dyfishtë në shikimin me një sy

Shkaqet e kataraktës

Askush nuk e di me siguri se pse lentja e syrit ndryshon kur ne moshohemi, duke formuar kataraktën.

Faktorët e rrezikut të kataraktës

Përvec moshës, disa faktorë janë të lidhur me zhvillimin e kataraktës:

• Rrezatimi ultraviolet nga rrezet e diellit dhe burimet e tjera
• Diabeti
• Hipertensioni
• Obeziteti
• Duhanpirja
• Sëmundje ose inflamacione të mëparshme të syrit
• Kirurgjia e mëparshme e syve
• Konsumi i konsiderueshëm i alkoolit
• Miopia e gradës së lartë
• Historia familjare

Komplikimet e kataraktës

Nëse nuk trajtohet, katarakta mund të cojë në verbëri të plotë.

Parandalimi i kataraktës

Masa për parandalimin e kataraktës përfshijnë:

• Ekzaminimi i rregullt i syve
• Ndalimi i duhanit
• Menaxhimi i problemeve të tjera shëndetësore
• Zgjedhja e një diete të shëndetëshme (vitamina E, luteina dhe zeaksantina)
• Përdorimi i syzeve të diellit të përshtatshme
• Reduktimi i konsumit të alkoolit

Ekzaminimet për diagnozën e kataraktës

Për të përcaktuar nëse keni kataraktë, mjeku do të shqyrtojë historinë tuaj mjekësore dhe simptomat, dhe të kryejë një ekzaminim të syve. Mjeku juaj mund të kryejë disa teste, duke përfshirë:

• Testi i mprehtësisë vizuale - Ky test përdor një tabelë për të matur se sa mirë mund të lexoni një seri gërmash
• Ekzaminimi i syrit me dritë - Ky test mund të dallojë edhe anomalitë shumë të imta
• Ekzaminimi i retinës - mundeëson  ekzaminimin e pjesës së prapme të syve (retinën)

Trajtimi i kataraktës

• Kur simptomat fillojnë të shfaqen, ju mund të përmirësoni shikimin tuaj për pak kohë duke përdorur syze të reja, bifokale të forta, zmadhimin, ndriçim të përshtatshëm ose pajisje të tjera vizuale ndihmëse.
• Shumë njerëz e shohin uljen e shikimit si një fakt të pashmangshëm të plakjes, por operacioni i kataraktës është një procedurë e thjeshtë, relativisht pa dhimbje për të rifituar shikimin.
• Kirurgjia e kataraktës është shumë e suksesshme në rivendosjen e shikimit: 9 nga 10 vetë që i nënshtrohen kirurgjisë së kataraktës rifitojnë shikim shumë të mirë

Pas kirurgjisë, mund të keni nevojë për syze për të lexuar ose për lente progresive për të korrigjuar gabimet refraktive reziduale të lehta.

Figura. Kirurgjia e kataraktës

Stili i jetesës dhe masat në kushtet e shtëpisë

Për t’u përballur me simptomat e kataraktës deri në momentin e kirurgjisë, mund të:

• Përdorni syze dhe lente kontakti sipas përshkrimit të mjekut tuaj
• Përdorni syze për të lexuar, nëse keni nevojë për ndihmë për të lexuar
• Përmirësoni ndricimin e dhomës
• Gjatë ditës, përdorni syze dielli ose mbrojtëse të tjera të përshtatshme
• Kufizoni ngarjen e makinës natën

Pyesni mjekun tuaj për ekzaminimet për kataraktën që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini.

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)