Ky informacioni mund t`ju ndihmojë ju të kuptoni më shumë rreth insuficencës kardiake dhe se cfarë mund të bëni ju për të zvogëluar rrezikun tuaj për këtë gjendje.

Ndajeni informacionin me të gjithë njerëzit e tjerë që njihni. 

Insuficenca kardiake – cfarë është

Insuficenca kardiake është një anomali e strukturës ose funksionit kardiak që pengon shpërndarjen e sasive të mjaftueshme të oksigjenit për të plotësuar nevojat e indeve, si pasojë e dështimit/insuficencës së funksionit pompë të zemrës.  

Ky sindrom tradicionalisht është klasifikuar në insuficencën e zemrës së majtë dhe të djathtë, por në praktikën klinike, këto shpesh ndodhin njëkohësisht, një gjendje që njihet me termin “insuficenca kongjestive e zemrës”

Shumica e rasteve të insuficencës kardiake zhvillohen si pasojë e një sërë gjendjesh shëndetësore. Përveç kësaj, është e rëndësishme të theksohet se barra globale e insuficencës kardiake po rritet paralelisht me rritjen e popullatës së moshuar dhe rëndësia e saj klinike nuk mund të nënvlerësohet.

Simptomat dhe shenjat e insuficencës kardiake

• Dispne, ortopne, dispnea nokturne paroksizamle, kollë natën, siklet në gjoks, lodhje
• Shenjat e insuficencës kardiake të djathtë: presion venoz jugular i rritur, hepatomegali, ascit (likid në abdomen), edemë periferike e rëndësishme
• Shenjat e insuficencës kardiake të majtë: puls alternans, zhvendosje e rrahjes së apeksit të zemrës, ritëm galopi S3, S4, edemë pulmonare (krepitacione bibazale)

Shkaqet e insuficencës kardiake

• Zakonisht shkaktohet nga sëmundje kardiake të tjera: SIZ, HTA dhe sëmundja valvulare e zemrës dhe kardiomiopatia e dilatuar janë ndër shkaqet më të shpeshta.
• Shkaqe më të rralla përfshijnë: aneminë e rëndë, hipertiroidizmin, sëmundja beriberi (mungesa e tiaminës – Vitaminës B1), shtatzëninë

Faktorët e rrezikut të insuficencës kardiake

Faktorët e rrezikut të insuficencës kardiake janë:

• Mosha e avancuar
• Gjinia mashkullore
• Pirja e duhanit
• Obeziteti
• Sëmundja koronare të zemrës
• Hipertensioni
• Historia familjare
• Diabetia

Llojet e insuficencës kardiake

Insuficenca kardikake klasifikohet në insuficencë kardike e majtë dhe e djathtë

• Ana e majtë e zemrës zakonisht preket e para. Kontraktimi jo i mirë bën që gjaku të kthehet në mushkëri, duke rritur presionin hidrostatik të venës pulmonare, ekstravazim të lëngjeve në intersticium, duke dhënë edemë pumonare
• Insuficenca kardiake e djathtë shkaktohet zakonisht nga insuficenca kardiake e majtë. Rritja e presionit në vaskulaturën pulmonare bën që ana e djathtë e zemrës të pompojë kundër rezistencës së rritur. Për të kompensuar kemi hipertrofi të ventrikulit të djathtë duke cuar në dilatacion progresiv dhe insuficencë
• Kombinimi i insuficencës kardiake të majtë dhe të djathtë njihet me termin insuficencë kardiake kongjestive. Kjo është forma më e shpeshtë klinike e sëmundjes.

Ekzaminimet për diagnozën e insuficencës kardiake

Ekzaminimet për insuficencën kardiake përfshijnë:

• Testet e gjakut (gjak komplet, urea dhe elektrolitet, testet e funksionit të mëlcisë, albumina, TSH nëse është pacient i ri për të përjashtuar hipertiroidizmin, Mg/Ca nëse ka aritmi, etj.)
• Depistimi për kardiomiopati nëse indikohet
• Radiografi gjoksi (diagnoza nuk mund të vendoset vetëm me radiografi gjoksi!)
• EKG 
• Ekokardiografi
• MRI dhe CT scan përdoren rrallë

Menaxhimi i insuficencës kardiake

Trajtim i sëmundjes shkaktare (bazë)

Modifikime të stilit të jetesës

• Lënia e duhanit, reduktimi i alkoolit, ushtrime fizike me intensitet të ulët, kufizim i kripës dhe lëngjeve, rënia në peshë, optimizimi i ushqyerjes, vaksinim kundër pneumokokut dhe gripit, depistimi për depresion, peshim ditore, sasia e urinës (nëse i/e hospitalizuar)

Menaxhimi farmakologjik

• Linja e parë: ACE inhibitorët, beta-bllokuesit, diuretikët
• Linja e dytë: antagonistët e aldosteronit, vazodilatatorë të tjerë: digoksina, ivabradine, inotropet

Menaxhimi kirurgjikal

• Terapia risinkronizuese kardiake (CRT). Në këtë ndërhyrje, vendoset një elektrodë në sipërfaqen epikardiale të ventrikulit të majtë dhe të dy ventrikujt aktivizohen njëkohësisht nga një impuls elektrik për të mundësuar kontraktimin e njëkohshëm dhe të sinkronizuar i cili përmirëson kontraktimin ventrikular. Kjo ndërhyrje indikohet në pacientë me simptoma të rënda ku ul vdekshmërinë
• Defibrilatori kardiak i implantueshëm (ICD) – përdoret për të parandaluar aritmitë dhe rekomandohet në pacientë me LVEF <40% që kanë përjetuar takikardi ventrikulare me instabilitet hemodinamik ose takikardi ventrikulare me sinkop pavarësisht menaxhimit medikamentoz optimal
• Pajisja ndihmëse e ventrikulit të majtë (LVAD) – urë për transplantin. Gjaku rrjedh nga ventrikuli i majtë tek pompa LVAD dhe pompohet mbarpsht në aortë për t’u shpërndarë në të gjithë trupin (Figura në vijim)
• Transplanti kardiak – ky është një opsion për pacientët em sëmundje refraktare në fazën e fundit.

Figura. Pajisja ndihmëse e ventrikulit të majtë (LVAD)

Prognoza

• Në përgjithësi, prognoza është e dobët
• 30-40% e pacientëve vdesin brenda një viti nga diagnoza
• Pas vitit të parë të diagnozës, vdekshmëria bie nën 10% në vit
• Vdekshmëria 5-vjeçare për një pacient pas hospitalizimit të parë për insuficencë kardiake  është 75%.

Pyesni mjekun tuaj për ekzaminimet për insuficencën kardiake që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini. 

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)