Ky informacion mund t`ju ndihmojë ju të kuptoni më shumë rreth hiperplazisë beninje të prostatës dhe se cfarë mund të bëni ju për të zvogëluar rrezikun tuaj për këtë gjendje

Ndajeni informacionin me të gjithë njerëzit e tjerë që njihni

Hiperplazia beninje e prostatës – cfarë është

• Hiperplazia beninje e prostatës (BPH) - e quajtur edhe zmadhimi i gjëndrës së prostatës - është një gjendje e zakonshme kur burrat moshohen.
• Një gjëndër e zgjeruar e prostatës mund të shkaktojë simptoma të sikletshme të urinës, të tilla si bllokimi i rrjedhjes së urinës nga fshikëza e urinës. Gjithashtu mund të shkaktojë probleme të fshikëzës, traktit urinar ose probleme veshkash

Figura. Hiperplazia beninje e prostatës

Kush preket nga hiperplazia beninje e prostatës?

• Prevalenca e BPH-së të diagnostikuar histologjikisht rritet nga 8% në meshkujt 31 deri në 40 vjeç, në 40% deri në 50% në meshkuj të moshës 51-60 vjeç, dhe në mbi 80% në meshkuj më të vjetër se 80 vjeç.

Simptomat dhe shenjat e hiperplazisë beninje të prostatës

Simptomat e hiperplazisë beninje të prostatës mund të përfshijnë:

• Nevoja e shpeshtë ose urgjente për të urinuar
• Frekuenca e rritur e urinimit gjatë natës (nokturia)
• Vështirësia e fillimit të urinimit
• Rrjedha e dobët e urinës ose një rrymë që ndalet dhe rifillon
• Rrjedhja e dobët ose pikë-pikë në fund të urinimit
• Pamundësia për të zbrazur tërësisht fshikëzën e urinës

Shenjat dhe simptomat më pak të zakonshme përfshijnë:

• Infeksion të traktit urinar
• Pamundësia për të urinuar
• Gjak në urinë

Madhësia e prostatës nuk përcakton domosdoshmërisht ashpërsinë e simptomave. Disa njerëz me prostatë vetëm pak të zmadhuar mund të kenë simptoma të rëndësishme, ndërsa burrat e tjerë me prostatë shumë të zmadhuar mund të kenë vetëm simptoma të vogla urinare

Nëse keni probleme urinare, diskutoni me mjekun tuaj

Nëse nuk jeni në gjendje të nxirrni aspak urinë, kërkoni kujdes të menjëhershëm mjekësor

Faktorët e rrezikut të hiperplazisë beninje të prostatës

Faktorët e rrezikut për zgjerimin e gjëndrës së prostatës përfshijnë:

• Moshimi. Zgjerimi i gjëndrave të prostatës rrallë shkakton shenja dhe simptoma tek meshkujt më të rinj se mosha 40 vjeç
• Historia familjare
• Diabeti dhe sëmundjet e zemrës
• Stili i jetesës. Obeziteti rrit rrezikun e BPH, ndërsa aktiviteti fizik mund të ulë rrezikun

Komplikimet e hiperplazisë beninje të prostatës

• Paaftësia e papritur për të urinuar (mbajtja e urinës)
• Infeksionet e traktit urinar (UTIs)
• Gurët e fshikëzës së urinës
• Dëmtimi i fshikëzës së urinës
• Dëmtimi i veshkave

Zmadhimi i prostatës në vetëvete nuk besohet të rrisë rrezikun e zhvillimit të kancerit të prostatës.

Ekzaminimet për diagnozën e hiperplazisë beninje të prostatës

Mjeku do t’ju pyesë hollësisht rreth simptomave tuaja dhe duke bërë një test fizik. Ky test fillestar ka të ngjarë të përfshijë:

• Ekzaminimin rektal dixhital. Mjeku fut një gisht në rektum për të kontrolluar prostatën tuaj për zgjerim
• Testin e urinës
• Testi i gjakut. Testimi i gjakut për antigjenin specifik të prostatës (PSA). PSA është një substancë e prodhuar në prostatë. Nivelet e PSA rriten kur prostata zmadhohet. Megjithatë, nivelet e ngritura të PSA gjithashtu mund të jenë për shkak të procedurave të kryera kohët e fundit, infeksionit, kirurgjisë ose kancerit të prostatës

Pas këtyre, mjeku mund të rekomandojë teste shtesë për të ndihmuar në konfirmimin e prostatës së zmadhuar dhe për të përjashtuar gjendjet e tjera.

Trajtimi i hiperplazisë beninje të prostatës

Një shumëllojshmëri e gjerë e trajtimeve janë në dispozicion për zgjerimin e prostatës, përfshirë medikamentet, terapitë minimale invazive dhe kirurgjinë.

Nëse simptomat tuaja janë të tolerueshme, mund të vendosni të shtyni trajtimin dhe thjesht të monitoroni simptomat. Për disa meshkuj, simptomat mund të lehtësohen pa trajtim.

Mjekimi medikamentoz

Mjekimi është trajtimi më i zakonshëm për simptomat e lehta deri në të moderuara të zgjerimit të prostatës. Opsionet përfshijnë:

• Alfa bllokuesit
• Frenuesit e 5-alfa reduktazës
• Terapia e kombinuar medikamentoze
• Tadalafil (Cialis)

Terapia minimale invazive ose kirurgjikale

Terapia minimale invazive ose kirurgjikale mund të rekomandohet nëse simptomat janë të moderuara deri të rënda dhe mjekimi me medikamentet nuk i ka lehtësuar simptomat

Ekzistojnë disa lloje të terapive minimalisht invazive ose kirurgjike.

Stili i jetesës dhe masat në kushtet e shtëpisë

Për të ndihmuar kontrollin e simptomave të prostatës së zmadhuar, përpiquni të:

• Kufizoni pijet në mbrëmje
• Kufizoni kafeinën dhe alkooli
• Kufizo dekongjestioantët ose antihistaminikët
• Urinoni në momentin e parë që ndjeni nevojën
• Përdorni një dietë të shëndetshme
• Qëndroni aktiv. Inaktiviteti kontribuon në mbajtjen e urinës
• Urinoni - dhe pastaj urinoni përsëri pak çaste më vonë

Pyesni mjekun tuaj për ekzaminimet për hiperplazinë beninje të prostatës që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)