Ky informacion mund t`ju ndihmojë ju të kuptoni më shumë rreth gastritit dhe se cfarë mund të bëni ju për të zvogëluar rrezikun tuaj për këtë gjendje.

Ndajeni informacionin me të gjithë njerëzit e tjerë që njihni.

Gastriti – cfarë është

• Gastriti është një term i përgjithshëm për një grup gjendjesh me një element të përbashkët: inflamacion i veshjes së brendshme të stomakut

Kush preket nga gastriti?

• Cdo person mund të preket nga gastriti, nëse ata ekspozohen për një kohë të caktuar ndaj agjentëve shkaktarë të gastritit dhe nuk marrin masa për parandalimin e tij

Llojet e gastritit

Gastriti mund të ndodhë papritmas (gastrit akut), ose shfaqet ngadalë gjatë kohës (gastrit kronik)

Figura. Gastriti

Simptomat dhe shenjat e gastritit

Shenjat dhe simptomat e gastrit përfshijnë:

• Dhimbje ose dhimbje djegëse (dispepsi) në pjesën e sipërme të barkut që mund të bëhet përmirësohet ose përkeqësohet me të ngrënit
• Të përziera
• Të vjella
• Një ndjenjë plotësie në pjesën e sipërme të barkut pas ngrënies

Gastriti nuk shkakton gjithmonë shenja dhe simptoma

Shkaqet e gastritit

• Gastriti është një inflamacion i veshjes së brendshme të stomakut. Dobësitë ose dëmtimi i barrierës të veshur me mukus që mbron muret e stomakut lejon që lëngjet e tretjes të dëmtojnë dhe të inflamojnë veshjen e brendshme  të stomakut
• Disa sëmundje dhe gjendje mund të rrisin rrezikun e gastritit, duke përfshirë sëmundjen Crohn dhe sarkoidozën, një gjendje në të cilën rriten grumbuj të qelizave inflamatore në trup

Faktorët e rrezikut të gastritit

Faktorët që rrisin rrezikun e gastritit përfshijnë:

• Infeksioni bakterial nga H. pylori
• Përdorimi i rregullt i ilaceve kundra dhimbjes
• Rritja e moshës (të moshuarit)
• Përdorimi i tepërt i alkoolit
• Stresi
• Crregullimi autoimun
• Sëmundje dhe gjendje të tjera. Gastriti mund të shoqërohet me gjendje të tjera mjekësore, duke përfshirë HIV / AIDS, sëmundjen Crohn dhe infeksionet parazitare

Komplikimet e gastritit

• Nëse nuk trajtohet, gastriti mund të çojë në ulcerat e stomakut dhe gjakderdhje nga stomaku
• Rrallë, disa forma të gastritit kronik mund të rrisin rrezikun e kancerit të stomakut

Informoni mjekun tuaj nëse shenjat dhe simptomat tuaja nuk përmirësohen, pavarësisht nga trajtimi i gastritit

Parandalimi i gastritit

• Marrja e masave për t’u mbrojtur nga infeksioni me bakterin Helicobacter pylori mund të ulë rrezikun e shfaqjes së gastritit
• Nuk është e qartë se si transmetohet H. pylori, por ka disa fakte se mund të transmetohet nga personi në person ose nëpërmjet ushqimit dhe ujit
• Ju mund të merrni disa masa për t’u mbrojtur nga infeksioni me H. Pylori, duke larë duar shpesh me sapun dhe ujë dhe duke konsumuar ushqime që janë gatuar mirë

Ekzaminimet për diagnozën e gastritit

Mjeku mund të dyshojë për gastrit bazuar në historinë mjekësore të pacientit dhe një ekzaminim të përgjithshëm. Megjithatë, mund të kërkohen edhe testet e mëposhtme për të identifikuar shkakun e saktë:

• Testet për H. pylori
• Endoskopia
• Rrezet X të sistemit të sipërm të tretjes

Trajtimi i gastritit

Trajtimi i gastritit varet nga shkaku. Gastritet akute të shkaktuara nga ilacet anti-inflamatore jo-steroide ose alkooli mund të lehtësohen duke ndaluar përdorimin e këtyre substancave.

Trajtimi me medikamente

• Antibiotikë për të eleminuar H. Pylori
• Medikamente që bllokojnë prodhimin e acidit dhe nxisin shërimin
• Medikamente për të zvogëluar prodhimin e acidit
• Antacidet që neutralizojnë acidin e stomakut

Stili i jetesës dhe masat në kushtet e shtëpisë

Për të lehtësuar shenjat dhe simptomat e gastritit:

• Hani vakte më të vogla, më të shpeshta
• Shmangni ushqimet irrituese
• Shmangni alkoolin
• Konsideroni ndërrimin e ilaceve kundra dhimbjes. Nëse përdorni ilace kundra dhimbjes që rrisin rrezikun e gastritit, pyesni mjekun tuaj nëse acetaminofeni mund të jetë një opsion për ju. Ky medikament ka më pak gjasa të përkeqësojë problemin tuaj të stomakut.

Pyesni mjekun tuaj për ekzaminimet për gastritin që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini.

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)