• Ky informacioni mund t`ju ndihmojë ju të kuptoni më shumë rreth bradikardisë dhe se cfarë mund të bëni ju për të zvogëluar rrezikun tuaj për këtë gjendje

Ndajeni informacionin me të gjithë njerëzit e tjerë që njihni

Bradikardia – cfarë është

• Bradikarditë nënkuptojnë crregullime ku ritmi i zemrës ngadalësohet
• Psh., ulja e ritmit të zemrës në qetësi ose në gjumë është dicka normale dhe fiziologjike, por nëse zemra rreh më ngadalë se sa duhet në kushte specifike, atëherë kemi të bëjmë me bradikardi
• Bradikarditë ndodhin si rezultat i prodhimit të reduktuar të impulsit (p.sh. bradikardia e sinusit) ose dështimit të përhapjes së impulsit për shkak të dështimit të sistemit të përçimit (p.sh blloqet atrioventrikulare ose blloqet e degëve të pllakave)
• Në përgjithësi, bradikardia diagnostikohet kur ritmi i zemrës është nën 60 rrahje për minutë kur personi është në qetësi (jo duke kryer aktivitet fizik)

Llojet e bradikardive

Në vija të përgjithshme, bradikarditë klasifikohen si vijon.

Bradikarditë sinusale

• Përkufizimi: Ulja e ritmi të zemrës nën 60 rrahje në minutë tek adultët. Vërehet ritmi sinusal normal
• Epidemologjia: prek 20-25% të personave nën 25 vjec
• Etiologjia: shkaqet e zakonshme përfshijnë ato fiziologjike (gjatë gjumit, atletët, të rinjtë); shkaqet kardiake përfshijnë MI inferior, sindromi i sinusit të sëmurë; medikamentet përfshijnë bllokuesit e kanaleve të kalciumit, digoksinët, opiatet; shkaqe të tjera: hipotiroidizmi, hiperkalemia, hipotermia, sëmundje të trungut të trurit si rritja e presionit intrakranial, etj.
• Tabloja klinike: simptomat variojnë nga lodhja deri tek sinkopi

Sindromi i sinusit të sëmurë

• Përkufizimi: Sindromi i mosfunksionimit nodal SA (nyja sinoatriale) që përfshin bradikardinë, pauzën sinusale dhe bllokun sinoatrial
• Epidemologjia: më i shpeshtë tek të moshuarit. Prek 0.2% të personave mbi 50 vjec.
• Etiologjia: shkaqet e zakonshme përfshijnë fibrozën idiopatike të nyjës SA (si rezultat i plakjes) dhe isheminë kardiake; shkaqe të tjera përfshijnë sarkoidozën, amiloidozën, beta-bllokuesit, digoksina, amiodaroni, bllokuesit e kanaleve të kalciumit, hipotiroidizmi, hiperkalemia, kardiomiopatitë
• Tabloja klinike: episode të shpeshta kronike të bradikardisë dhe takikardisë së herëpas-hershme; palpitacione; marrje mendsh ose sinkop

Blloku atrioventrikular

Blloqet Atrioventrikulare (AV) i referohen crregullimeve në përçimin e impulseve midis atriumeve dhe ventrikujve. Kjo mund të jetë e përhershme ose e përkohshme në varësi të etiologjisë së bllokut. Çrregullimet në vende të ndryshme brenda sistemit të përçimit AV (nyja AV - atrioventrikulare dhe sistemi i His-Purkinje) prodhojnë blloqe AV me ashpërsi të ndryshme. Në mënyrë klasike, ka tre kategori të blloqeve AV, si në vijim:

• Blloku AV i gradës së parë - Vonëse e përcimit atrioventrikular që rezulton në zgjatjen e intervalit PR (>0.2 sekonda) në EKG
•  Blloku AV i gradës së dytë:
  • tipi Mobitz I, ose blloku Wenckebach - Deficit i përcimit atrioventrikular që rezulton në zgjatje progresive të intervalit PR deri sa kompletohet një rrahje e zemrës
  • tipi Mobitz II, ose blloku jo-Wenckebach - Deficit i përcimit atrioventrikular pa ndryshime në intervalin PR
• Blloku AV i gradës së tretë - Njihet edhe me termin “bllok i plotë” dhe i referohet dështimit të plotë të përcimit AV duke rezultuar në humbjen e komunikimit midis atriumeve dhe ventrikuje, dhe duke bërë që ato të rrahin në mënyrë të pavarur nga njëri-tjetri

Lloje të tjera të bradikardive përfshijnë:

Bllokun e degës së tufës HIS, i majtë dhe i djathtë

Takikarditë e kompleksit të ngushtë – takikardia sinusale e papërshtatshme, fibrilacioni atrial, takikardia atriale, takikardia ri-hyrëse nodale atrioventrikulare, takikardia ri-hyrëse atrioventrikulare

Takikarditë e kompleksit të gjerë – takikardia ventrikulare, torsades de pointes, sindromi Brugada, fibrilacioni ventrikular

Ekstra rrahjet – ektopia atriale premature, ektopia venrikulare premature

Simptomat dhe shenjat e bradikardive

Njerëzit me bradikardi mund të mos kenë shenja dhe simptoma, ose mund të përjetojnë si vijon:

• Lodhje
• Vështirësi në frymëmarrje (dispne)
• Ndjenjë të fikti
• Konfuzion
• Dhimbje gjoksi
• Lëkurë e ftohtë, e zbehtë ose me nuancë blu

Komplikacionet e bradikardisë

Personi i prekur nga bradikardia mund të pësojë gjendje të fikti nëse ritmi i zemrës ulet shumë. Mund të zhvillohen konvulsione, rritje e presionit të gjakut, dhimbje gjoksi, ose dështimi i zemrës. Në fund, zemra mund të ndalojë plotësisht

Ekzaminimet dhe diagnoza e bradikardisë

Diagnoza fillon me përshkrimin e simptomave nga ana e pacientit, pasuar nga hulumtimi lidhur me faktorët që nxisin simptomat dhe nëse këto përkeqësohen me kryerjen e aktivitetit fizik. Mjeku gjithashtu do të marrë historinë mjekësore dhe familjare dhe do hulumtojë lidhur me medikamentet që po merrni aktualisht.

Sipas rastit, mund të keni nevojë për:

• Teste të gjakut, për të zbuluar ndonjë dëmtim të zemrës dhe zbuluar shkakun e bradikardisë
• EKG, për të zbuluar dëmtime të zemrës nga një atak kardiak ose probleme me transmetimin e sinjaleve elektrike në zemër
• Monitor të zemrës (monitor Holter), për të gjurmuar ritmin e zemrës nëse jeni shtruar në spital. Ndoshta do keni nevojë ta mbani me vetë aparatin përkatës për disa ditë në shtëpi

Figura. Monitori Holter

Trajtimi i bradikardisë

Ju nuk mund të mos keni nevojë për ndonjë trajtim. Bradikardia zakonisht trajtohet nëse shkakton simptoma, të tilla si marramendje ose të fikët. Ju mund të keni nevojë për ndonjë nga këto që vijojnë:

• Mund të jepen ilaçe të zemrës për të rritur ritmin e zemrës. Këto ilaçe jepen përmes një rrugës intravenoze
• Një stimulues i përkohshëm për një trajtim afatshkurtër në spital. Pacemaker-i vendoset  në lëkurën e pacientit duke u ngjitur aty me ose vendoset në një nga venat në qafë ose gjoks. Një aparat i vogël ndihmon të mbani të qëndrueshme rrahjet e zemrës
• Një stimulues i përhershëm mund të implantohet nën lëkurën e kraharorit ose barkut gjatë operacionit. Një bateri e vogël krijon impulse elektrike që mbajnë ritmin e zemrës në vlera normale

Pyesni mjekun tuaj për ekzaminimet për bradikardinë që ofrohen në qytetin ku ju banoni.

Konsultohuni me mjekun e qëndrës suaj shëndetësore për cdo informacion që ju  kërkoni të dini.

Konsultohuni online me mjekun

Shih materialin Video (intervista me mjekun; intervista me personel mjekësor, testimonials, vox pop)